والله تاتضحك و صحا أدخل وشوف

جوج بنات دافعين كبير شافو حادث سيارة

وحدة كالت للثانية ho le pauvre est reste dans moi مسكين بقا في

ردت الاخرى LE PAUVRE LA BEBLIOTHEQUE SUR LUI مسكين مكتابة عليه
---------------------------------------------------------------------------------------------------------------------------
قالك هدا واحد مشا عند الطبيب ولقى فيه السكر.فاش مشا لدارو وبداو الناس كيزوره كيقولولو اش قالك اطبيب؟ قالهوم قالي الطبيب راك حلو
---------------------------------------------------------------------------------------------------------------------------
قاليك هذا واحد سكرااان داز فضو لحمر هو يوقفو لبوليسي قاليه آ سي راك دزتي ف ضو لحمر قاليه سكران ومشي شي حمورية.
---------------------------------------------------------------------------------------------------------------------------
قاليك هاذ واحد هو أو صحبتو غادين كايتسراو فدروبا أو حشمانين . بقاو ساكتين وحد شوية قاليها قوليلي شي كلمة حلوة ..قاتليه سكارة .قاليها لا شيحاجا كتجمعنا قاتليه سطافيط
---------------------------------------------------------------------------------------------------------------------------
هذا واحد ساط غادي إشري 10 دراهم تاع لحشيش بانت ليه سطافيط هو يلوح 10 دراهم

---------------------------------------------------------------------------------------------------------------------------
هذا واحد شرا موطور 103 أو شفروه ليه .مشا عاوتاني شرا 103 آخر أوشفروه ليه ..من بعد مشا ديكلارا عند البوليس أو قاليهم شفرو لي 206
---------------------------------------------------------------------------------------------------------------------------
داب هادو شي شبعانين و مساليين مشاو لواحد القنت وجمعوا كاع الكدابة باش يشوفو شكون الواعر فالكدوب

سولو الاول قال ليهم انا واحد النهار حليت التلاجة ولقيت الاسكيمو كايتساراو فيها

وسولو التاني وقال ليهم انا كنت ماشي واحد النهار ولقيت الملك فالزنقة وديتو يتغدى معايا وفالتالي قتلتو ورجعت ملك

وسولو التالت وقال ليهم انا واحد النهار كنت فالغابة وكانت عندي قرطاسة وحدة وتلاقيت معا واحد السبع وضربتوا وزكلتوا وكلاني (والفاهم يفهم)
---------------------------------------------------------------------------------------------------------------------------
قال ليك هادا واحد الاستاد رسم للتلاميد ضفدعة وقال ليهوم اش هادي

وهو ينوض واحد الكسول للسبورة وهو يقول ليه هادي جرانة قال ليه الحمار

هادي راه ضفدعة و هو يرجع داك الكسول لبلاصتو وقال لصاحبو العجب

كاتبان من البعد بحال شي جرانة
---------------------------------------------------------------------------------------------------------------------------
واحد السيد خون تريكو و اعطاه لولدو يبيعو هو يتخون لولدو وفاش رجع سولو بوه بشحال بعتيه قال ليه براس مالو
---------------------------------------------------------------------------------------------------------------------------
جوج بنات غاديين ، واحد سكران خسر معاهم الهدرة ، حشمو ، واحدة ولات حمرة ، وصحبتها ولات سكنجبير
---------------------------------------------------------------------------------------------------------------------------
هاذا واحد السيد ديما خاون شي حاجة من دارهم واحد النهار هو يخون بورتابل لخوه و هما يعيقو بيه و تاصلو بي لنمرة ديال لبورتابل اللي خون و قالو ليه رجع البورتابل راه باقي جديد و هو يقول ليهم و توما غير اللي تخونت في الدار لاصقوها فيا

---------------------------------------------------------------------------------------------------------------------------

هادا واحد عندو الدجاج و كيوكلهم القمح و الشعير و واحد الملرة جاو عندو البوليس و قالو ليه اش كتوكل لدجاج ديالك قا ليهم القمح... قالو ليه مزيان ناس كيموتو بالجوع و انت كتوكل... سلخوه و جاو عندو مرة اخري و قالو ليه نفس السوال قال ليهم الزبل و الوسخ--حاشاكم-- و قالو ليه بغيتي تمرد الناس سلخوه تاني مزيان المرة التالتة قالو نفس السوال قال ليهم كنعطيهم اللفلوس يشريو بوحدهم هههه
---------------------------------------------------------------------------------------------------------------------------

ألــف ألــف شكـر على المـــوضوع الــرائع

والمشـاركة العطـرة

ننتظـر منك الكثيـر ان شـاء الله

ونرى ابداعكـ وتميزكـ معنا في الـمـنـتـدى

ولك كامل التوفيق

عندك الحق ضحكنا صحا
شكرا على النكت الرائعة

واش أنا غير غانجي ونحلف

وراك قتلتينا بضحك شكررررررررررراااااااا

» إذا تقدر أدخل وشوف
» ودابا والله اللي قرا هاد النكت تايضحك
» تعالو نتخلص من شعر الجسم للأبد والله وصفه مجربتها
» امثال باللغة الإسبانية هيا أدخل ........
» امثال باللغة الإسبانية هيا أدخل ........رائعة ....مفيدة هياا